Lei Escutismo nian
PRINCIPIO 3
1. Escuta foti oin nafatin tan nia fé hodi nia fé nia bele hala’o nia moris tomak.
2. Escuta hadomi lolos nia rain.
3. Escuta nia obrigasaun hahu husi uma.
LEI 10 ESCUTA NIA.
-
Escuta nia honra fo laran metin tomak ba ema seluk
-
Escuta ema lia los
-
Escuta hatene tulun lor-loron, no nia buka halo netik buat diak ida.
-
Escuta belun ba ema hotu-hotu no mos maun-alin escuta sira seluk.
-
Escuta oin midar hatene respeita ema seluk.
-
Escuta la halo a’at ai-horis no balada sira.
-
Escuta hatene obidece.
-
Escuta hatene haksolok no hamnasa iha tempo surar no terus nia laran.
-
Escuta han hemu sukat hatene rai nia sasan no la bele halo a’at ema seluk nia sasan.
-
Escuta la hanoin la hateten la halo sala foer.
ESPLIKASAUN KONA BA PRINCIPIO 3 (TOLU) ESCUTA NIAN
1. Escuta foti oin nafatin tan nia fe hodi nia fé nia bele hala’o nia knar tomak
Iha fiar no hala’o nia, katak hetan buat ida ba moris tomak, buat ida diak, los tebes, atu bele hatudo ba fatin metin .
Hamonu-an no hala’o vida tuir fiar, katak hatudo personalidade di’ak.
Buka tuir ó nian Fiar !
Wainhira ema seluk la moris tuir ; wainhira ema seluk la hatudo ; tamba sira la iha.
2. Escuta hadomi lolos nia rain.
Sai Timor nia oan nebe di’ak katak hatene iha rai-nasaun. :
Familia ida hodi respeita, rai ida hodi servisu, historia ida hodi kontinua, knar ida hodi kumpre.
Rai-Nasaun katak Marómak nia hanoin nebe tau iha ita nia klamar, hala’o iha sagrado ba familia. No ida idak tau ita nia rain iha klamar.
3. Escuta nia Obrigasaun hahu husi uma
Ha’u nia Aman mak ha’u nia mundo. Obedese serviso , hadomi, katak hatutan buat nebe mai husi bei’ala sira, hanesan testamento espiritual. La iha buat ida iha ha’u nia uma hanesan fuik no le’et. Berso, toba fatin horik ki’ik, sai hanesan quadro moris mós nian. Segredo klamar nian mak kna’ar. Fatin hotu-hotu, di’ak atu hala’o kna’ar. Ha’u nia vida hanesan ha’u nia klamar.
Lei 10 (sanulo) Escuta nia
1. Escuta nia hondra no fo laran metin ba ema seluk
Escuta nia moris baibain la tuir dalan seluk, se la’e foin Sa’e ida nebe dehan lia fuan hirak ne’e : “HA’U MAK LIALOS” iha uma, iha serviso, iha eskola, iha jogo, iha campo, iha buat hotu-hotu moris nian.
Lia los ka fo liberdade, lori ita nia hakat liu dalan asu wain nian. Maski dala barak ho susar oi-oin.
2. Escuta ema lia los
Los la’os deit la bosok, katak tuir ita nia laran, labele laran laran makerek bá ita-an rasik. Kumpre lia fuan ida, maski ki’ik-oan, respeita komprimisio, la bele haluhan. Tahan responsabilidade, labele fo deskulpa, buat nebe ha’u halo, hatudo ha’u nia neon los katak tuir verdade maibe ho mos fiar.
3. Escuta tulun loro-loron no buka halo netik diak ida.
Haktuir kona ba imperador Tito kona ba lor-loron nia husu ba nia-an rasik. Ho hanoin maka’as hola nota kona ba buat nebe nia halo di’ak. Wainhira nini konsensia hatudo buat ruma nebe nia halo la di’ak, nia haterus.
Nia-an rasik hodi dehan “Ha’u lakon ha’u nia loron”. Hahalok di’ak, sinal de karidade, nebe evangelho hatudo, halo ho laran, halo sumik, atu liman karuk la hatene liman kuana halo saida.
Escuta nia vida tenke sai hanesan treino ida kona ba arte oinsa halo buat di’ak.
4. Escuta belun ba ema hotu-hotu maun-alin no escuta sira seluk.
Belun di’ak, hanesan fatuk murak, la barak no folin maka’as. Hotu-hotu hamutuk sei la barak atu bele halo buat ruma ; maibe tenke halo duni. Se ita hanoin katak mundo bele ita nian tamba ita nia hako’ak, hatama mundo no mos hari’I iha fuan ! fuan la bosok no ita nia fiar halo buat hotu sai bo’ot hanesan humanidade ; tan ne’e ita nia domin bo’ot, ita nia domin di’ak liu.
Ema ida-idak ita nia maun alin; maun alin sai hanesan ita-an rasik.
5. Escuta oin midar no hatene Respeita ema seluk.
Sai kavaleiro iha hahalok di’ak nian, sai liman kona-ba servisu domin nia, ita nia kna’ar tenke halai iha vida hanesan mundo, halakon ódio, hahi moris. Respeito, lia-fuan klamar nian. Kmaus la’os buat seluk, maibe karidade nia naroman, Explorasaun domin nian buat nebe Na’I Maromak haruka ita hadomi ita nia maluk sira hanesan maun-alin.
6. Escuta la halo a’at ai-horis no balada sira.
Hare’e ba natureza, hatene katak Maromak nia hahalok furak iha buat ida-idak…… Maromak halo atu fo ksolok mai ita. Agradese ba Na’I tan buat iha mundo Maromak halo buat hirak ne’e atu nia oan sir abele haksolok. Obrigado ; Obrigado barak Na’I !
7. Escuta hatene obedese
Obedese katak hahi ita-an ho knar nebe ita hala’o, ho ksolok, lalais atu bele kumpre knar to’o rohan, la bele husik hela iha klaran. Nune’e, obedensia kona ba knar nebe hala’o ba estado no komprimisio escuta nian. Ha’u nia hahalok sai hanesan lalenok ba ha’u nia klamar nian.
8. Escuta hatene hamnasan no haksolok iha tempo terus no susar nia laran.
Ksolok los, hakmatek, mós, sai hanesan konsiensia los nia oan, nebe halo buat hotu tuir obrigasaun tenke halo. Hamnasa, leno dalan ba oin, ita tenke sai manu-ain ksolok nian.
9. Escuta han hemu sukat hatene rai nia sasan no la halo a’at ema seluk nia sasan.
Buat hotu bele sai bo’ot, wainhira klamar bo’ot. Naran buat ki’ik oan ida buat folin laek, halo parte buat bo’ot ida nia rohan. Wé turu ida, la vale buat ida iha tasi. Maibe tasi halo ho wé turu sira. Milagre nebe Jesus halo Pão sai sai Wain, evangelho dehan katak Pão Pedasuk, barak tebe-tebes, maibe Jesus haruka nia eskolante sira halibur pedasuk sira hotu. Iha Pão Pedasuk oan ida, no Wé turu ida, iha Misterio hamlaha no hamro’ok klamar barak nian nebe tenke fo tulun. Buat hotu sai bo’ot, wainhira klamar bo’ot.
10. Escuta la hanoin, la hateten no la halo sala foer.
Ai-funan Lis, hatudo Vokasaun nebe halo ho buat mutin no morin. Ai-funan Lírio buat ida nebe furak. Ninia kain mamar liu; anin bo’ot no loron Manas maka’as bele halo a’at ba nia. Maibe ninia abut mak maka’as tebe-tebes. Tan ne’e nia hafoun hikas wainhira primaveira hahu, sai hanesan jardim nia Liurai-oan. Ksolok wain ba Jerasaun nebe ho hanoin mós. Ba sira, Vida sai buat ida furak liu, ba sira, vida sai buat ida di’ak tebes, ba sira vida sai buat ida kmok duni.
Tidak ada komentar