Organizasaun Mundial

Organizasaun Mundial Movimentu Eskutismu nian (OMME) maka organizasaun
internasional ida ne’ebe la pertense ba governu ida (ONG). Organizasaun ida-ne’e iha
parte/orgaun tolu:

• Konferensia Mundial ba eskutismo
• Komite mundial ba eskutismo
• Bureau mundial.

1. Konferensia Mundial ba Eskutismo

Konferensia Mundial ne’e maka “reuniaun jeral” ba eskutismu. Konferensia ne’e maka fatin ne’ebe ema halo desisaun ba OMME. Organizasaun Eskutista hot-hotu ne’ebe tama tiha iha OMME bele partisipa. Konferensia halibur malu tinan tolu-tinan tolu. So bele tama de’it organizasaun eskutista nasional sira ne’ebe Konferensia Mundial Eskutismu nian simu. Konferensia Mundial simu organizasaun ida de’it husi nasaun ida- idak. Tanba-ne’e, nasaun oin-oin hala’o “federasaun nasional” hodi bele halibur hamutuk organizasaun eskuteiru sira nian.

Konferensia nia objetivu/hanoin bo’ot liu maka-ne’e:

• Hala’o unidade, ajuda ba hahalok loloos nu’udar eskuteiru no haburas movimentu eskutismu iha rai hot-hotu.
• Ajuda fahe hanoin no informasaun sira ba malu, iha Konferensia nia laran
• Hakerek eskutismu nia matadalan jeral. 
• Tau matan ba Organizasaun Mundial nia “moris”, hanesan hala’o eleisaun sira, hakerek surat atu ema bele tama, haree ba “estatistika”, hadia eskutismu nia Konstituisaun, etc.

     2. Komite Mundial ba Esktutismo

Komite Mundial Eskutismu nian maka parte executivo (aplikador) husi OMME. Komite ida-ne’e maka tenki aplika buat ne’ebe Konferensia Mundial deside ona. Bainhira iha reuniaun ida, Komite-ne’e mak iha direitu atu reprezenta Konferensia Mundial. 

Komite Mundial halibur ba dala rua, tinan-tinan. Bai-bain, Komite hasoru ba malu iha rai Genebra (husi nasaun Suisa). 

Komite Mundial iha Grupu ba Diresaun, ne’ebe iha Prezidente ida, Vise-Prezidente rua

no Sekretariu Jeral. Grupu Diresaun ne’e bele halibur tuir presiza ka la’e.

   3. Bureau Mundia

Organizasaun Mundial Eskutismu nian iha grupu ida ne’ebe halo servisu nu’udar sekretariu. Grupu ne’e naran Bureau Mundial Eskutismu nian. Sekretariu Jeral OMME maka Bureau nia ulun.

Komite Mundial hili ema ida atu sai Sekretariu Jeral. Sekretariu ne’e maka tau matan ba Bureau no mos ba OMME.

• Delegasaun Regionais sira fahe ba forma hirak tuir mai ne’e :

1. Região Africana: Nairobi, no Quénia; Dakar, no Senegal e Cidade do Cabo, na África do Sul
2. Região Árabe: Cairo, no Egipto
3. Região Ásia-Pacífico: Manila, nas Filipinas
4. Região Euroásia: Yalta-Gurzuf, na Ucrânia, e Moscovo, na Federação Russa
5. Região Europeia: Genebra, na Suíça e Bruxelas, na Bélgica
6. Região Interamericana: Santiago, no Chile 

Bureau Mundial tuir nia knaar liuhusi maneira oin-oin:

1. Fo apoiu ba grupu ka komisaun servisu sira;
2. Hala’o kursu ba formasaun
3. Fo sujestaun ruma no fo apoiu tekniku ruma.
4. Hakerek livru sira;
5. Fo-sai notisia / liafuan foun beibeik kona-ba eskutismu.