Konesimento Escutismo

KOÑESIMENTO KONA BA MOVIMENTO ESCUTISMO NIAN

Escuteiro nudar movimento internasional ne’ebé nia prezensa iha ona nasaun 216. Escuteiro dezenvolve ba bebeik desde nia hari’i iha tinan 1907 iha Inglaterra.

Escuteiro ne’e saida ? 

Escuteiro movimento ida nebe sai hanesan ekstra kurikuler ne’ebé ajuda ba formasaun  ne’ebé hala’o ona iha eskola no iha uma. Movimento ne’e halao atu aumenta kapasidade nebe joven sira presija ba sira nia vida. Escuteiro dezemvolve nia konhesimento individual, necesidade atu explora no atu deskobre no hatene liu tan nia-an.

Escutismo, hanesan formasaun ne’ebe integral carácter ba labarik no joven sira. Escutismo hanorin labarik no joven sira atu sai educado no disiplinado. Ne’e katak Escutismo halo labarik no joven sira hatene hadia-an, hatene apresenta-an iha uma no no mos iha publico.

Escuteiro eduka ema ho divertimento (aktividade nebe lori ksolok)

Liu husi programa nebe naton ba kada labarik sira tuir tinan, escuteiro bele to’o iha nia objectivo atu forma joven sira atu dezenvolve sira nia fisico, intelektual, social no spiritual.

Escuteiro hanorin joven sira ba edukasaun global liu husi prepara sira atu sai nudar sidadaun partisipativu no responsavel iha sira nia komunidade.

Grupo ida ne’e la lori ba nia an atu hetan osan ruma, laos movimento politica, la pertense ba governu maibe nia iha formasaun integral ba joven sira ho baze husi metodo nebe B.P. kria. Membru sira tama voluntario.