CEC-TL

CEC-TL nu’undar movimento Escutismo igreja Católico nian ne’ebé ho nia misaun lori labarik ka joven ida ba responsabilidade ne’ebé nia simu nu’undar sarani ida. “katak atu lori nia sai sarani diak.”

Animasaun fé sai nu’undar karakteristika husi CEC nian, ne’ebé hala’o liu husi Jogos Escutismo, hamoris husi naroman Jesus Cristo no Nia Evanjello hodi buka kontribui ba formasaun humana no Kristaun ba nia membrus liu husi testemuña/sai sasin iha moris lor-loron.

Objetivo husi Edukasaun Escutismo nian mak :

• Desenvolve karakter
• Forma ema atu halo eskolla ba nia vida ho responsabilidade hdi lori nia assume nia moris to’o konsekuensia tomak.
• Haburak kreatividade
• Aprende au produz ou buat ne’ebé nia hatene, hasoru buat ne’ebé estraga ou buat sira ne’ebé lori ba gooza deit.
• Desenvolve nia sentmento ba ema seluk
• Respeita ema seluk, aprende moris iha komunidade no iha Demokrasia
• Halo isin di’ak ho atividades fisikus
• Haki’ak responsabilidade ba nia isin no buka hase’es buat ne’ebé halo a’at ba isin.
• Hametin no haburas fiar iha Maromak. Hare’e prezensa Maromak nia iha natureza no iha historia moris ida-idak nian.

Papel ka knar husi Dirigente

Dirigente sira mak, sira ne’ebé ne’ebé ajuda joven sira atu lori sira nia mehi ba realidade katak “tulun joven sira iha formasaun ba sira nia matenek, atu to’o ba missaun sira iha leten.”

Ho papel ne’ebé mak mensiona iha leten ne’e mak sei iha papel seluk ne’ebé tuir mai ne’e:

•  Presija sai ema nebe disponivel(presija hamutuk ho labarik sira, maibe la presija sai hanesan labarik).
•  Presija koñese/hatene labarik sira nia psikologia/mental ne’ebé diferentes.
• Ema ne’ebé iha responsabilidade liu, tamba ne’e tenki prepara-an.
•  Tenki iha disponilidade fisiko no interior(pasiensia).
• Tenki iha hahalok ne’ebé di’ak hodi eduka.
• Aktividade/jogos tenki iha intensaun ne’ebe eduka.
• Tenki konhese fase/etapa pskologia husi labarik  sira, bazeia ba idade.
• Tenki buka hodi aprende nafatin.
• Tenki hadomi labarik sira.

Deveres de um dirijenti :

Dirigente sira nia deveres mak hanesan tuir mai ne’e :

• Akompanha membru escuteiros hodi koñese sira.
• Koñese kapasidade/talentu husi kada membru, hodi bele desenvolve nia agrupamentu.
• Promove espirito husi isin lolon(grupo ida moras,ema hotu moras), no mos kria unidade iha  grupu.
• Hare’e/buka hatene ema hotu nia diak, la’os hare’e ba nia negativo, no desenvolve ema nia kualidade.
• Kria membru sira hodi moris tuir Na’I Jesus nia dalan( bazea ba relijaun)

Servisu saida mak Dirigentes no responsáveis sira halo:

Atu hetan objetivo hira ne’e dirigentes kan istrutores sira nia servisu mak hanesan tuir mai ne’e:

• Halo planu de atividades ba tempu ruma hanesan ba fulan tolu (Trimestral), Fulan ne’en (Semestral), ka tinan ida (Anual).
• Prepara atuvidadades ba kada enkontro hamutuk ho responáveis sira.
• Halo moris agrupamento ho atividades sira.
• Responsável ba atividades ne’ebé mak hala’o  hodi tau matan ba atividades tomak.
• Halo enkontro ho responsáveis sira, atu  hala’o avaliasaun ba programa.
• Servisu ho Amo Pároku ba atividades ne’ebe mak Escuteiros bele ajuda.

Misaun espesífiku

• Hodi uza métodu original, ema ida-idak sai nu’undar agente ba desenvolimento nia-an rasik hodi sai ema ne’ebé responsável ba nia vida no kompromente ba nia moris.
• Tulun joven sira atu moris iha vida ne’ebé iha valor ba principios espititual, social no ba nia-an rasik liu husi moris iha principius no Lei Escuteiro nian.