Konferénsia Internasionál ba Eskuteiru Katólika (KIKE)

 

 

“A Conferência Internacional Católica do Escutismo (CICE)”

The International Catholic Scouting Conference (ICSC)

Historia Badak

International Catholic Conference of Scouting (ICCS) ou Konferénsia Internasionál ba Eskuteiru Katólika mak entidade internasionál, autonómu/a ne’ebé kompromete atu promove no fó suporta ba asosiasaun Eskuta Katólika no sei ligasaun entre movimentu Eskuta no Igreja Katólika. Nia Sede lokaliza iha Roma, Itália.

Nia aproveita estadu konsulta ho Komisaun Eskuta Mundial “World Scout Committee” no forma Forum Eskuta Inter-relixiozu Mundial (WSIF) hamutuk ho Konsellu Protesante iha Orientasaun no Eskuteiros “Council of Protestants in Guiding and Scouting”, Ligasaun Internasionál Eskuteiru Ortodoksu Krístaun “International Link of Orthodox Christian Scouts”, Uniaun Internasionál Eskuteiru Muslim “International Union of Muslim Scouts”, Forum Internasionál Eskuteiru Judeu “International Forum of Jewish Scouts”, Won-Budismu Eskuta “Won-Buddhism Scout” no Fraternidade Eskuta Budista Mundial “World Buddhist Scout Brotherhood”.

Iha kooperasaun besik ho Konferénsia Katóliku Internasionál ba Orientasaun “International Catholic Conference of Guiding” (ICCG). Nia reprsenta Ema tokon 8 Eskutista.

Jamboree Mundial Scout ba dalauluk , ne’ebé hamosu iha Londres, Padre Jacques Sevin SJ husi Fransa, Jean Corbisier husi Béljika no Count Mario di Carpegna husi Italia, deside halo atu kria guarda-chuva internasionál ba Eskuteiru Katóliku Labarik sira.

Amu-Papa Bento XV apoia ideia ne’e no iha tinan 1922 Labarik Eskuteiro Katoliku husi Arjentina, Áustria, Béljika, Chile, Ekuador, Fransa, Itália, Luxemburgu, Polándia, Espanha no Hungaria kria organizasaun guarda xuva ida ne’e.

Regra sira ne'e hetan aprovasaun husi Papa iha tinan ne’ebe hanesan (1922). Waihira mosu Funu Mundial II impaktu mos ba organizasaun ne’e to’o paradu tiha. Iha tinan 1946 no 1947 kontaktu entre asosiasaun Eskuteiru Katolika hetan restabelese no dezde 1948, konferensia hala'o tiha iha kada tinan, hanesan iha tinan 1958 iha Wiena.

Iha Junhu 1962, Santa Sé halo aprovasaun ba estatutu no karta ba EScouts Katóliku nian, no guarda xuva husi Eskuteiro ba Labarik-mane Katóliku “Catholic Boy Scouting” atu fó naran ba Konferénsia Internasionál ba Eskuteiru Katólika nian “International Catholic Conference of Scouting”. Iha 1977, Karta foun hetan aprovadu tiha ona husi Santa Sé.

Iha Konsellu Mundial iha tinan 2011, estrutura ICCS nia halo mudansa ba tinan tolu ba Mundatu Estrutura nia. Envezde Sékretáriu-Jerál ida, sira eleje Prezidente no Vise-Prezidente (ho podér hanesan).

 Konesimentu Jeral

Konferénsia Internasionál ba Eskuteiru Katólika (KIKE) mak espasu internasionál hodi hasoru, reflesa, hare’e no hala’o komuñaun ho Eskuteiru Katóliku husi mundial, ho Estatutu konsultativu ho Organizasaun Eskuteiru Mundial.

Objetivu sira husi Konferénsia Internasionál ba Eskuteiru Katólika Hanesan:

• Fó kontribuisaun ba dezenvolvimentu no fortalesimentu ba dimensaun espirituál Eskuta nia, hodi hatene ba unidade no diversidade iha Movimentu Eskuteiru Mundial;
•  Promove partisipasaun ativa Eskuteiru Katóliku iha misaun Igreja nian;
•  Fasililita komunikasaun entre Igreja Katólika ho Movimentu Eskuteiru Mundial.

Husi objetivu sira, Konferénsia Internasionál ba Eskutismu Katólika ne’ebé iha:

• Eskuteiro Katólika iha inisiativa atu oferese iha area edukasaun no moris Eclesiástiku iha Igreja;
•  Kolabora ho organizasaun Eskuta ou Guia seluk nian, ne’ebé nia objetivu maka dezenvolvimentu kona-ba dimensaun espirituál;
•  Hare’e iha assuntu Pastorál Juvenil;
•  Promove diálogu ekuméniku ho inter-relijiozu.
•  Promove edukasaun ba pás no justisa;
•  Promove, ho Organizasaun Mundial ba Movimentu Eskutista, hodi komprende di’ak liu kona-ba Eskutismu no ninia dezenvolvimentu iha Igreja Katólika.
•  Foti inisiativa hotu ne’ebé nessáriu hodi kontinua atu realiza nia ninia finalidade.
•  Konferénsia Internasionál ba Eskutismu Katólika koñesidu husi Organizasaun Membru no Organizasaun Observadór.

Organizasaun membru sira mak:

• Asosiasaun Eskutista Katóliku, ne’ebé hetan rekoñesimentu husi Igreja, parte husi Federasaun Eskutista Nasional, ne’ebé mak membru husi Organizasaun Eskutista Mundial.
•  Organizasaun Katólika iha grupu eskuteiru nian (Konsellu Katóliku, klibur “Assosiasaun” ka grupu eskuteiru katoliku ne’ebé mak iha grupu eskuteiru nian) ho membru iha movimentu eskuteiru mundial, rekoñesidu husi grupu eskuteiru nian no hierarkia Katólika lokál.

Organizasaun Observador sira mak:

• Organizasaun eskutista ne’ebé inklui iha Organizasaun Mundial Movimentu Eskutista ne’ebé hakarak asosia ho Konferénsia Internasionál Eskutismo Katóliku maibé la tuir  kriteria hotu-hotu ida-idak ne’ebé presiza atu hahú estatutu membru kompletu bele husu hodi sai Membros Observador. 

Bainhira Organizasaun Membru la iha relasaun ho Organizasaun Mundial Movimentu Eskutista, Komisaun Diretivu Konferénsia Internasionál ba Eskuteiru Katólika bele hametin no informa Konsellu Mundial Konferénsia Internasionál ba Eskuteiru Katólika katak, Organizasaun Membru ne’ebé hapara husi Organizasaun Mundial Movimentu Eskutista sei hanesan Organizasaun Membru temporariu. Estatutu kompletu ba membru bele restabelece bainhira relasaun ho Organizasaun Mundial Movimentu Eskutista hahú fila fali.

Konferénsia Internasionál ba Eskuteiru Katólika fahe ba rejiaun ha’at (4) mak hanesan: Europa-Mediterrâneu, Inter-Amerika, Ázia no Afrika.